Sut ydw i'n amgryptio fy ngyriant USB (Windows)?

**Noder** - Bydd gweithfannau staff yn gofyn i chi'n awtomatig i amgryptio eich dyfais pan fydd wedi'i blygio i mewn. Fe'ch cynghorir i amgryptio eich gyriant USB pan fyddwch yn defnyddio gweithfannau staff. Os nad ydych yn gwneud, bydd eich ffeiliau wedi'u cyfyngu i'r fformat Darllen yn Unig.

• Mewnosodwch y gyriant USB
• Cliciwch ar Start ac yna ar Computer neu File Explorer
• Cliciwch fotwm de'r llygoden ar y gyriant USB ac yna cliciwch ar Turn On BitLocker
• Dewiswch un neu fwy o'r dewisiadau canlynol, yna cliciwch ar Next:
  
  • Defnyddio Cyfrinair i Ddatgloi'r Gyriant Hwn
    Dewiswch y dewis hwn os hoffech i'r defnyddiwr orfod rhoi cyfrinair i ddatgloi'r gyriant. Mae cyfrineiriau'n caniatáu i yriant gael ei ddatgloi mewn unrhyw leoliad ac i gael ei rannu â phobl eraill.
  • Defnyddio fy Ngherdyn Clyfar i Ddatgloi'r Gyriant
    Dewiswch y dewis hwn os hoffech i'r defnyddiwr ddefnyddio cerdyn clyfar a rhoi rhif PIN cerdyn clyfar i ddatgloi'r gyriant. Oherwydd bod y nodwedd hon angen darllenwr cerdyn clyfar, caiff ei defnyddio fel arfer i ddatgloi gyriant yn y gweithle ac nid ar gyfer gyriannau a ddefnyddir y tu allan i'r gweithle.
• Ar y dudalen nesaf cliciwch ar Save To A File
• Dewiswch leoliad cadw a chliciwch ar Save
• Nawr gallwch argraffu'r allwedd adfer os hoffech. Pan fyddwch wedi gorffen, cliciwch ar Next
• Cliciwch ar Start Encrypting. Peidiwch â thynnu'r gyriant fflach USB nes bod y broses amgryptio wedi gorffen. Mae'r amser a gymerir i'r broses amgryptio orffen yn dibynnu ar faint y gyriant a ffactorau eraill.

Mae'r broses amgryptio'n gwneud y canlynol:

• Ychwanegu ffeil Autorun.inf, y darllenwr BitLocker To Go, a ffeil Read Me.txt i'r gyriant fflach USB.
• Creu cyfaint rhithwir gyda chynnwys llawn y gyriant yn y lle gwag sydd ar ôl ar y gyriant.
• Amgryptio'r cyfaint rhithwir i'w ddiogelu. Mae amgryptio gyriant fflach USB yn cymryd tua 6 i 10 munud fesul gigabeit i gwblhau. Gellir oedi'r broses amgryptio ac ailddechrau os ydych chi'n cadw'r gyriant i mewn.