Beth sydd angen i mi ei wybod am y modiwl cyn creu rhestr ddarllen newydd yn Aspire?

Sicrhewch fod gennych chi'r wybodaeth isod cyn dechrau ychwanegu rhestr ddarllen newydd i Aspire.

Ynglŷn â'r modiwl

• Cod y modiwl
• Teitl y modiwl
• Cydlynydd y modiwl - os ydych chi'n ychwanegu rhestr ar ran cydlynydd y modiwl, rhowch wybod eich bod yn gwneud hynny cyn dechrau
• Semester(au) y caiff y modiwl ei ddysgu ynddynt - mae dewisiadau dewislen ar wahân ar gyfer Dysgu o Bell a Dysgu Gydol Oes
• A yw'r un cynnwys yn cael ei ddysgu mewn modiwlau eraill? Os felly, beth? Efallai fod rhestr Aspire yn bodoli eisoes a fyddai'n bodloni gofynion eich modiwl. Yn hytrach na chreu rhestr newydd, gallai eich modiwl gael ei gysylltu â'r un sy'n bodoli eisoes (Sut mae gwneud hynny?)

I strwythuro'r rhestr

• A oes unrhyw adrannau yn eich rhestr? Gallwch strwythuro eich rhestr e.e. yn ôl wythnos, yn ôl thema, yn ôl teitl traethawd, yn ôl pwysigrwydd. Gallwch arbed yr ymdrech o symud cynnwys os ydych chi'n ychwanegu'r adrannau cyn ychwanegu cynnwys i'r rhestr.

I boblogi'r rhestr

• Pwysigrwydd pob eitem h.y. Hanfodol neu Ddarllen Pellach (Pam mae hyn yn bwysig?)
• Enwau'r penodau a rhifau tudalennau unrhyw benodau mewn llyfrau yr hoffech wneud cais i'w digido

Cysylltwch â'ch llyfrgellydd pwnc (Sut mae gwneud hynny?) neu e-bostiwch librarians@aber.ac.uk  os oes gennych chi unrhyw gwestiynau neu os hoffech drefnu cymorth un-i-un (Sut mae gwneud hynny?) cyn neu wrth i chi greu eich rhestr ddarllen newydd.