Sut mae mewnosod dolen i leoliad gwahanol yn yr un dudalen we yn y CMS?

• Mewngofnodwch i'r CMS yn https://cms.aber.ac.uk/.

• Dewch o hyd i'r dudalen sydd angen ei golygu yn strwythur safle'r CMS (Sut mae gwneud hynny?).

• Cliciwch ar enw'r adran.

• Cliciwch ar y tab Content.

• Dewch o hyd i'r darn o gynnwys priodol lle dylid ychwanegu'r ddolen a chliciwch ar ei enw.

• Crëwch yr 'angor' (y man yr hoffech gysylltu ag ef):

• Rhowch eich llygoden ar y man yn y dudalen lle'r hoffech i'r angor fod.

• Cliciwch ar y botwm Insert/Edit Link yn y ddewislen a dewiswch 'Insert anchor'.

• Bydd y ffenestr Anchor yn ymddangos:

• Teipiwch enw eich angor newydd yn y blwch ID a chliciwch ar y botwm Save i'w ychwanegu.

• Byddwch nawr yn gweld bod symbol angor bach wedi ymddangos yn y golygydd cynnwys i farcio lleoliad yr angor hwn.

• Crëwch y ddolen:

• Teipiwch y testun a fydd yn cael ei ddefnyddio fel y testun i'r ddolen. Noder: Dylai testun dolen fod yn hunan-eglurhaol a dylai'r defnyddiwr wybod i ble mae'r ddolen yn mynd â hwy.

• Dewiswch y testun a chliciwch ar y botwm Insert/Edit Link yn y ddewislen. Dewiswch 'Link to external site'.

• Bydd y ffenestr Insert/Edit Link yn ymddangos:

• Rhowch enw eich angor gyda # o'i flaen yn y blwch URL.

• Peidiwch â gwneud unrhyw newidiadau eraill. Cliciwch ar y botwm 'Save' i ychwanegu'r ddolen.

• Mae eich dolen i fan arall yn eich tudalen nawr wedi'i chreu.

• Cliciwch ar y botwm 'Save changes' yn y brif ffenestr golygu cynnwys i gadw eich gwaith.

Noder: Er mwyn i'r newid fynd yn fyw bydd angen i'r cynnwys gael ei gymeradwyo.